வேளாங்கண்ணி பேராலய ஆண்டுப் பெருவிழா அலங்காரத் தேர் பவனி

நாகை மாவட்டம், வேளாங்கண்ணி புனித ஆரோக்கிய அன்னை பேராலய ஆண்டுப் பெருவிழா அலங்காரத் தேர் பவனி ஞாயிற்றுக்கிழமை இரவு நடைபெற்றது.

- 

நாகப்பட்டினம், செப். 7:

வேளாங்கண்ணி புனித ஆரோக்கிய அன்னை பேராலயம் கீழை நாடுகளின் லூர்து எனப் போற்றப்படுகிறது. இந்த ஆலயத்தின் ஆண்டுப் பெருவிழா ஆக. 29 -ஆம் தேதி கொடியேற்றத்துடன் தொடங்கியது.

தொடர்ந்து விழா நாட்களில், நவநாள் வழிபாடு, தமிழ், மராத்தி, மலையாளம், கொங்கணி, தெலுங்கு உள்பட பல்வேறு மொழிகளில் திருப்பலி நிறைவேற்றப்பட்டது.

மேலும், ஜெபமாலை, மாதா மன்றாட்டு, திவ்ய நற்கருணை ஆசீர் உள்ளிட்ட நிகழ்ச்சிகளும் நடைபெற்றன.