ஆண்டுக்கு 50 ராக்கெட்டுகள் செலுத்த இலக்கு

ஆண்டுக்கு 50 ராக்கெட்டுகளை விண்ணில் செலுத்த வேண்டும்; இதற்காக விண்வெளி ஆராய்ச்சியில் தனிநபர் நிறுவனங்கள் அதிக அளவில் பங்கேற்க வேண்டும் என பிரதமர் நரேந்திர மோடி கேட்டுக் கொண்டார்.

- 

புது தில்லி, ஆக. 23:

தேசிய விண்வெளி தினத்தை (ஆக. 23) முன்னிட்டு, பிரதமர் மோடி சனிக்கிழமை வெளியிட்ட தனது காணொலி உரையில் கூறியிருப்பதாவது:

நாட்டின் எதிர்கால விண்வெளித் திட்டங்களுக்காக விண்வெளி வீரர்கள் குழுவை உருவாக்குவதற்கான நடவடிக்கைகள் மேற்கொள்ளப்பட்டு வருகின்றன. இந்தக் குழுவில் நாட்டின் இளைஞர்கள் ஆர்வத்துடன் பங்கேற்க வேண்டும்.

சந்திரனையும், செவ்வாய் கிரகத்தையும் நாம் எட்டிவிட்டோம். அடுத்து, மனிதகுலத்தின் எதிர்காலத்துக்கு பலனளிக்கும் வகையில் மறைந்து கிடக்கும் ரகசியங்களை வெளிக்கொணரும் வகையில் ஆழமான விண்வெளி ஆராய்ச்சிக்கு விண்வெளி ஆராய்ச்சியாளர்கள் தயாராக வேண்டும்.