236 வட்டாரங்களில் 'வெற்றிப் பள்ளிகள்' திட்டம்: ரூ.111 கோடி ஒதுக்கீடு செய்து அரசாணை

தமிழகத்தில் முதல் கட்டமாக, நிகழ் கல்வியாண்டில் 236 வட்டாரங்களில் 'வெற்றிப் பள்ளிகள்' திட்டம் செயல்படுத்தப்படவுள்ளது.

- 

சென்னை, ஆக. 14: இதற்காக நிகழ் கல்வியாண்டு, அடுத்த கல்வியாண்டுக்கு ஒட்டுமொத்தமாக ரூ.111.37 கோடி நிதி ஒதுக்கீடு செய்து அரசாணை வெளியிடப்பட்டுள்ளது.

தமிழக அரசு சார்பில் அரசு மாதிரிப் பள்ளிகள் திட்டம் கடந்த 2021-2022-ஆம் ஆண்டு தொடங்கப்பட்டு, மூன்று ஆண்டுகளில் மாவட்டத்துக்கு ஒன்று என தற்போது 38 உண்டு உறைவிட மாவட்ட மாதிரிப் பள்ளிகள் செயல்பட்டு வருகின்றன.

இவற்றின் மூலம் அரசுப்பள்ளி மாணவர்கள் அகில இந்திய முதன்மை உயர் கல்வி நிறுவனங்களில் இடம் பெறுவதற்கான வாய்ப்புகள் உறுதிப்படுத்தப்பட்டுள்ளன.