கள்ளர் சீரமைப்பில் நீண்ட காலமாக நிரப்பப்படாமல் உள்ள கல்வி அலுவலர் பணியிடம்!

கள்ளர் சீரமைப்பில் நீண்ட காலமாக நிரப்பப்படாமல் உள்ள கல்வி அலுவலர் பணியிடத்தை உடனடியாக நிரப்ப பள்ளிக் கல்வித் துறை நடவடிக்கை எடுக்க வேண்டுமென கோரிக்கை எழுந்துள்ளது.

- நமது நிருபர்

நமது நிருபர் சிவகங்கை, ஜூலை 27:

மதுரை, தேனி, திண்டுக்கல் ஆகிய மூன்று மாவட்டங்களில் மட்டும் 40 மேல்நிலைப் பள்ளிகள், 20 உயர்நிலைப் பள்ளிகள், 22 நடுநிலைப் பள்ளிகள், 213 தொடக்கப் பள்ளிகள், 4 உண்டு உறைவிடப் பள்ளிகள் என 299 கள்ளர் சீரமைப்புப் பள்ளிகள் உள்ளன. இந்தப் பள்ளிகள் சென்னை மிகப் பின்தங்கியோர், சீர்மரபினர் நல ஆணையர் அலுவலகத்தின் கீழ் செயல்படும் மதுரை கள்ளர் சீரமைப்பு இணை இயக்குநர் நிர்வாகத்தின் கீழ் செயல்பட்டு வருகிறது. இது தவிர, 54 கள்ளர் சீரமைப்பு விடுதிகளும் இணை இயக்குநர் கட்டுப்பாட்டில் இயங்கி வருகின்றன.

ஆங்கிலேயர் ஆட்சிக் காலத்தில் இந்தப் பகுதியிலுள்ள மக்களின் சமூக, பொருளாதார நிலையில் மாற்றம் ஏற்படுத்தும் நோக்கத்துக்காக கள்ளர் சீரமைப்புப் பள்ளிகள் உருவாக்கப்பட்டன.