அதிகரிக்கும் கரோனா: ஆக்சிஜன், மருந்துகள், செயற்கை சுவாசக் கருவிகள் போதிய இருப்பு

நாட்டில் கரோனா பாதிப்பு மீண்டும் அதிகரித்துவரும் நிலையில், மருத்துவமனைகளில் ஆக்சிஜன், தனிமைப்படுக்கைகள், செயற்கை சுவாசக் கருவிகள் (வென்டிலேட்டர்) மற்றும் அத்தியாவசிய மருந்துகளின் போதிய இருப்பை உறுதி செய்யுமாறு, அனைத்து மாநிலங்களும் யூனியன் பிரதேசங்களுக்கு மத்திய சுகாதார அமைச்சகம் அறிவுறுத்தியுள்ளதாக அரசு வட்டாரங்கள் தெரிவித்தன.

- 

புது தில்லி, ஜூன் 4:

நாட்டில் கரோனா பரவல் நிலவரம் மற்றும் முன்னெச்சரிக்கை நடவடிக்கைகள் தொடர்பாக சுகாதாரப் பணிகள் தலைமை இயக்குநர் (டிஜிஹெச்எஸ்) சுனிதா சர்மா தலைமையில் கடந்த ஜூன் 2, 3 ஆகிய தேதிகளில் உயர்நிலை ஆலோசனைக் கூட்டங்கள் நடைபெற்றன.

இந்தக் கூட்டங்களில் பேரிடர் மேலாண்மைப் பிரிவு, அவசரகால மேலாண்மைப் பிரிவு, தேசிய நோய் கட்டுப்பாட்டு மையம், இந்திய மருத்துவ ஆராய்ச்சி கவுன்சில், ஒருங்கிணைந்த நோய் கண்காணிப்புத் திட்டம் மற்றும் அனைத்து மாநில-யூனியன் பிரதேசங்களின் பிரதிநிதிகள் பங்கேற்றனர்.