4 விக்கெட் வித்தியாசத்தில் ஆஸி.யை வீழ்த்தியது

ஐசிசி சாம்பியன்ஸ் கோப்பை கிரிக்கெட் போட்டியில் ஆஸ்திரேலியாவுக்கு எதிரான முதல் அரையிறுதியில் 4 விக்கெட் வித்தியாசத்தில் வென்ற இந்திய அணி இறுதி ஆட்டத்துக்கு தகுதி பெற்றது.

- 

துபை, மார்ச் 4:

துபையில் செவ்வாய்க்கிழமை இரு அணிகளுக்கு இடையிலான அரையிறுதி ஆட்டம் நடைபெற்றது. டாஸ் வென்ற ஆஸ்திரேலியா பேட்டிங்கை தேர்வு செய்தது. இதையடுத்து தொடக்க பேட்டர்களாக கூப்பர் கானாலி, டிராவிஸ் ஹெட் களமிறங்கினர்.

ஆரம்பமே அதிர்ச்சி:ஷமி பந்தில் கூப்பர் ராகுலிடம் கேட்ச் தந்து டக் அவுட்டானார். பின்னர் டிராவிஸ்-கேப்டன் ஸ்மித் சேர்த்து ஸ்கோரை உயர்த்தினர். இருவரும் இணைந்து இரண்டாவது விக்கெட்டுக்கு 50 ரன்களை சேர்த்தனர்.

2 சிக்ஸர், 5 பவுண்டரியுடன் 39 ரன்களை விளாசிய ஹெட்டை அவுட்டாக்கினார் வருண் சக்கரவர்த்தி. அவரைத் தொடர்ந்து மார்னஸ் லாபுஷேன் களமிறங்கி கேப்டன் ஸ்மித்துடன் ஸ்கோரை உயர்த்தினார். மூன்றாவது விக்கெட்டுக்கு இருவரும் சேர்ந்து 56 ரன்களை சேர்த்தனர்.

லாபுஷேன் 29 ரன்களுடன் ரவீந்திர ஜடேஜா பந்தில் எல்பிடபிள்யு ஆகி வெளியேறினார்.

ஸ்டீவ் ஸ்மித் அபாரம் 73: கேப்டன் ஸ்மித் 1 சிக்ஸர், 4 பவுண்டரியுடன் 96 பந்துகளில் 73 ரன்களை விளாசி ஷமி பந்தில் போல்டானார்.

பின்னர் வந்த ஜோஷ் இங்கிலிஸ் 11 ரன்களுடன் நடையைக் கட்டினார்.