மெஸ்ஸி என்னும் மாயாவி!

உலகக் கோப்பை கால்பந்து வரலாற்றிலேயே அதிக கோல்களை அடித்த வீரர் என்ற சாதனையை நிகழ்த்தியுள்ளார் ஆர்ஜென்டினாவின் ஜாம்பவான் மெஸ்ஸி. சர்வதேச கால்பந்து அரங்கிலும் 'லியோனல் மெஸ்ஸி' என்ற பெயர் அதிகமாக உச்சரிக்கப்படுகிறது.

- பா. சுஜித்குமார்

கால்பந்தைப் பொருத்தவரை சர்வதேச கால்பந்து சம்மேளனம் (பிஃபா) நடத்தும் உலகக் கோப்பை போட்டி மிகவும் பிரபலமானது. ஒலிம்பிக் போட்டியில் கால்பந்தில் தங்கம் வெல்வதைக் காட்டிலும், பிஃபா உலகக் கோப்பை போட்டிக்கு தகுதி பெற்று அதில் வெல்வது பெரும்பாலான அணிகளின் கனவாகும். சர்வதேச அளவில் பிலே (பிரேஸில்), டீகோ மாரடோனா (ஆர்ஜென்டீனா), ஜோஹன் கிரையஃப் (நெதர்லாந்து) ஆகியோர் எப்போதும் புகழப்படும் வீரர்களாக திகழ்கின்றனர்.

25 ஆண்டுகளுக்கு மேலாக கிறிஸ்டியானோ ரொனால்டோ (போர்ச்சுகல்), லயோனல் மெஸ்ஸி (ஆர்ஜென்டீனா), நெய்மர் (பிரேஸில்) ஆகியோர் சிறந்த வீரர்களாக வலம் வருகின்றனர். இவர்களில் மெஸ்ஸியும், ரொனால்டோவும் அதிக முறை தங்கக் காலணி விருதை வென்றுள்ளனர்.