சபலென்காவை சாய்த்தார் பாப்டிஸ்ட்

ஸ்பெயினில் நடைபெறும் மாட்ரிட் ஓபன் டென்னிஸ் போட்டியில், உலகின் நம்பர் 1 வீராங்கனையும், நடப்பு சாம்பியனுமான அரினா சபலென்கா காலிறுதியில் தோல்வி கண்டார்.

- 

நடப்பு சாம்பியனாக இருந்தவரும், பெலாரஸை சேர்ந்தவருமான சபலென்கா 6-2, 2-6, 6-7 (6/8) என்ற செட்களில், போட்டித்தரவரிசையில் 30-ஆம் இடத்திலிருக்கும் அமெரிக்காவின் ஹேலி பாப்டிஸ்டிடம் அதிர்ச்சித் தோல்வி கண்டார். 2 மணிநேரம், 30 நிமிஷங்கள் நீடித்த இந்த ஆட்டத்தில் 6 மேட்ச் பாய்ன்ட்களைத் தக்கவைத்து வென்ற பாப்டிஸ்ட், முதல்முறையாக மாட்ரிட் ஓபன் அரையிறுதிக்கு முன்னேறியிருக்கிறார்.

உலகின் டாப் 5 இடத்தில் இருக்கும் வீராங்கனையை பாப்டிஸ்ட் வீழ்த்தியது இது முதல்முறையாகும். மறுபுறம், சபலென்கா நடப்பு சீசனில் தொடர்ந்து 15 ஆட்டங்களில் வென்றிருந்த நிலையில், தற்போது தோல்வி கண்டுள்ளார்.