பொங்கல் தொகுப்புக்கு ரூ.248 கோடி

தமிழக அரசு ஒதுக்கீடு; 2.23 கோடி குடும்ப அட்டைதாரர்கள் பயனடைவர்

- 

அனைத்து அரிசி பெறும் குடும்ப அட்டைதாரர்களுக்கும் பொங்கல் தொகுப்பு வழங்குவதற்காக ரூ.248.67 கோடி ஒதுக்கீடு செய்ய அனுமதி அளித்து தமிழக அரசு புதன்கிழமை (டிச. 31) அரசாணை பிறப்பித்தது.

இந்தத் தொகுப்புகளை வழங்குவதற்கான டோக்கன்கள் பயனாளிகளுக்கு விரைவில் விநியோகிக்கப்பட உள்ளன.

தமிழர் திருநாளான பொங்கல் பண்டிகையை அனைத்துத் தரப்பினரும் மகிழ்ச்சியாக கொண்டாட தமிழக அரசு சார்பில் ஆண்டுதோறும் பொருள்கள் அடங்கிய தொகுப்புடன், பரிசுத் தொகையும் வழங்கப்படுவது வழக்கம். கடந்த ஆண்டு பொங்கல் தொகுப்புடன் பரிசுத் தொகை வழங்கப்படவில்லை.