வாரணாசி, அயோத்தியில் மோரீஷஸ் பிரதமர் வழிபாடு

இந்தியாவுக்கு சுற்றுப்பயணம் மேற்கொண்டுள்ள மோரீஷஸ் பிரதமர் நவீன் சந்திர ராம்கூலம் உத்தர பிரதேச மாநிலம் காசி விஸ்வநாதர் கோயில் மற்றும் அயோத்தி ராமர் கோயிலில் வெள்ளிக்கிழமை வழிபாடு நடத்தினார்.

- 

வாரணாசி, செப். 12:

8 நாள் அரசுமுறைப் பயணமாக கடந்த செவ்வாய்க்கிழமை ராம்கூலம் இந்தியா வந்தார். பிரதமர் நரேந்திர மோடியை வாரணாசியில் வியாழக்கிழமை சந்தித்து அவர் ஆலோசனை நடத்தினார். அப்போது வர்த்தகம், முதலீடு, கல்வி, அறிவியல், ஆராய்ச்சி, மின் உற்பத்தி, உள்கட்டமைப்பு, நீலப் பொருளாதாரம், எண்ம உள்கட்டமைப்பு உள்பட பல்வேறு துறைகளில் இருதரப்பு நல்லுறவை மேலும் வலுப்படுத்தும் வழிமுறைகள் குறித்தும் பிராந்திய-உலகளாவிய விவகாரங்கள் குறித்தும் விரிவான விவாதம் மேற்கொள்ளப்பட்டது.