சிதம்பரம் கனகசபையில் தரிசனம் செய்ய பக்தர்களுக்கு அனுமதியில்லை; தீட்சிதர்கள் தரப்பில் வாதம்

சிதம்பரம் நடராஜர் கோயில் கனகசபை மீது நின்று தரிசனம் செய்ய பொது தீட்சிதர்கள், மிக முக்கிய பிரமுகர்கள், அரசமைப்பு சட்டத்தின் கீழ் பதவி வகிப்பவர்கள் மட்டுமே அனுமதிக்கப்படுவர் என்று தீட்சிதர்கள் தரப்பில் சென்னை உயர்நீதிமன்றத்தில் வாதிடப்பட்டது.

- 

சென்னை, செப்.11:

சிதம்பரம் நடராஜர் கோயில் கனகசபை மீது நின்று பக்தர்கள் தரிசனம் செய்ய அனுமதியளித்து தமிழக அரசு பிறப்பித்த அரசாணையை எதிர்த்து சென்னை உயர்நீதிமன்றத்தில் பொது தீட்சிதர்கள், டி.ஆர்.ரமேஷ் சார்பில் வழக்குகள் தொடரப்பட்டன.

இந்த வழக்கில் தன்னையும் ஒரு மனுதாரராக சேர்க்கக் கோரி ஜெமினி ராதா என்பவரும் ஒரு மனுவை தாக்கல் செய்தார். இந்த வழக்குகள் நீதிபதிகள் ஆர்.சுரேஷ் குமார், எஸ்.சௌந்தர் ஆகியோர் அடங்கிய சிறப்பு அமர்வில் விசாரணைக்கு வந்தது.