பல்நோக்கு பணியாளர் தேர்வு முறைகேடு வழக்கு; ரயில்வே அதிகாரிகள் உள்பட 3 பேர் கைது

தேசிய தொழில்நுட்ப ஆசிரியர் பயிற்சி மற்றும் ஆராய்ச்சி நிறுவனம் நடத்திய தேர்வில் நடைபெற்ற முறைகேடு தொடர்பாக ரயில்வே அதிகாரிகள் உள்பட மூவரை சென்னை காவல் துறையினர் கைது செய்தனர்.

- 

சென்னை, ஆக.28:

சென்னை தரமணியில் தேசிய தொழில்நுட்ப ஆசிரியர் பயிற்சி மற்றும் ஆராய்ச்சி நிறுவனம் உள்ளது. மத்திய அரசின் கல்வி அமைச்சகத்தின் கீழ் செயல்படும் இந்நிறுவனத்தில், பல்நோக்கு பணியாளர் பணியிடங்களில் 35 காலியிடங்களை நிரப்ப, கடந்த 2023-ஆம் ஆண்டு செப்டம்பர் 17-ஆம் தேதி ஆன்லைன் தேர்வு நடத்தப்பட்டது.

இத்தேர்வின் மூலம் தேர்ந்தெடுக்கப்பட்ட 35 பேர் பணி நியமனம் செய்யப்பட்டனர். ஆனால், இவர்களில் சிலர் போதிய தகுதி இல்லாமல் இருப்பது தெரிய வந்தது. இதையடுத்து, தேர்வானவர்கள் ஆள்மாறாட்டம் மூலம் பணியில் சேர்ந்தார்களா? என்ற சந்தேகம் எழுந்தது.