தேசிய அளவில் வாக்குத் திருட்டு: ராகுல் காந்தி குற்றச்சாட்டு

தேசிய அளவில் ஏராளமான தொகுதிகளில் வாக்குத் திருட்டு நடைபெற்றுள்ளதாக மக்களவை எதிர்க்கட்சித் தலைவரும், காங்கிரஸ் எம்.பி.யுமான ராகுல் காந்தி குற்றஞ்சாட்டினார்.

- 

புது தில்லி, ஆக. 12:

கடந்த ஆண்டு நடைபெற்ற மக்களவைத் தேர்தலில் வாக்குத் திருட்டு நடைபெற்றதாக ராகுல் காந்தி குற்றஞ்சாட்டினார். அதற்கு எடுத்துக்காட்டாக கர்நாடக மாநிலம், பெங்களூரு மத்திய மக்களவைத் தொகுதிக்குள்பட்ட மகாதேவபுரா சட்டப்பேரவைத் தொகுதியில் போலி வாக்காளர்கள், போலி முகவரிகள் என 5 வகையாக வாக்குத் திருட்டு நடைபெற்றதாக அண்மையில் அவர் ஆதாரத்தை வெளியிட்டார்.

அப்போது வாக்காளர் பட்டியல் குளறுபடிக்கு எடுத்துக்காட்டாக பிகார் வரைவு வாக்காளர் பட்டியலில் மிந்தா தேவி என்ற பெண்ணுக்கு 124 வயது என்று குறிப்பிடப்பட்டதையும் அவர் சுட்டிக்காட்டினார்.