பஹல்காம் தாக்குதலில் கொல்லப்பட்ட அடில் ஹுசைனின் மனைவிக்கு அரசுப் பணி

நியமன ஆணையை வழங்கிய துணைநிலை ஆளுநர்

- 

ஸ்ரீநகர், ஜூன் 14: பஹல்காம் தாக்குதலில் சுற்றுலாப் பயணிகளைக் காப்பாற்ற பயங்கரவாதிகளுடன் சண்டையிட்டு உயிர்த்தியாகம் செய்த உள்ளூர் இளைஞர் அடில் ஹுசைன் ஷாவின் மனைவிக்கு அரசுப் பணி ஒதுக்கப்பட்டுள்ளது.

பஹல்காமில் ஹபாத்நார் பகுதியில் உள்ள அடில் ஹுசைன் ஷாவின் வீட்டுக்கு சனிக்கிழமை நேரடியாக சென்று, அவரின் மனைவி குல்நாஸ் அக்தருக்கு ஜம்மு-காஷ்மீர் துணை நிலை ஆளுநர் மனோஜ் சின்ஹா பணி நியமன ஆணையை வழங்கினார்.

தொடர்ந்து, அடில் ஹுசைன் ஷா குடும்பத்தினர் மற்றும் அப்பகுதி மக்களுடன் கலந்துரையாடிய பின்னர் அவர் செய்தியாளர்களைச் சந்தித்தார்.