நீட் தேர்வு முடிவு வெளியீடு: ராஜஸ்தான் மாணவர் முதலிடம்

எம்.பி.பி.எஸ்., பிடி உள்ளிட்ட இளநிலை மருத்துவப் படிப்புகள் சேர்க்கைக்காக அகில இந்திய அளவில் நடத்தப்படும் தேசிய தகுதி காண் நுழைவுத் தேர்வு (நீட்) முடிவுகள் சனிக்கிழமை அறிவிக்கப்பட்டன.

- 

புது தில்லி, ஜூன் 14:

இதில் ராஜஸ்தானைச் சேர்ந்த மாணவர் மகேஷ் குமார் முதலிடம் பெற்றார். மத்திய பிரதேச மாணவர் உத்கரேஷ் அவாதியா, மகாராஷ்டிரத்தைச் சேர்ந்த கிரிஷாங் ஜோஷி ஆகியோர் அடுத்தடுத்த இடங்களைப் பிடித்தனர்.

தரவரிசையில் முதல் 100 இடங்களில் தமிழகத்தைச் சேர்ந்த 6 மாணவர்கள் இடம்பிடித்தனர்.

தேசிய தேர்வுகள் முகமை (என்டிஏ) சார்பில் நடத்தப்படும் இத் தேர்வு நிகழாண்டு நாடு முழுவதும் 552 நகரங்கள், வெளிநாடுகளில் 14 நகரங்களில் அமைக்கப்பட்டிருந்த 5,468 மையங்களில் கடந்த மே 4-ஆம் தேதி நடத்தப்பட்டது. தமிழ் உள்பட 13 மொழிகளில் நடத்தப்பட்ட நீட் தேர்வில் 22,09,318 மாணவ, மாணவிகள் பங்கேற்றனர்.

நீட் தேர்வு முடிவுகள் சனிக்கிழமை வெளியிடப்பட்டன. இதில் 12,36,531 பேர் தகுதி பெற்றனர்.