ஜூன், ஜூலைக்குரிய நீரை கர்நாடகம் உறுதிப்படுத்த வேண்டும்

காவிரி ஆணையக் கூட்டத்தில் தமிழகம் வலியுறுத்தல்

- நமது நிருபர்

நமது நிருபர் புது தில்லி, மே 22: உச்சநீதிமன்றத்தின் உத்தரவின்படி தமிழகத்திற்கான ஜூன், ஜூலை மாதத்திற்குரிய நீர் அளவை கர்நாடகம் உறுதிப்படுத்த வேண்டும் என்று தில்லியில் வியாழக்கிழமை நடைபெற்ற காவிரி நதிநீர் மேலாண்மை ஆணையக் கூட்டத்தில் வலியுறுத்தப்பட்டது.

கடந்த மாதம் 22-ஆம் தேதி காவிரி நதிநீர் மேலாண்மை ஆணையத்தின் 39-ஆவது கூட்டம் நடைபெற்றிருந்த நிலையில், அதன் 40-ஆவது கூட்டம் தில்லியில் வியாழக்கிழமை நடைபெற்றது.

இந்தக் கூட்டம் ஆணையத்தின் தலைவர் எஸ்.கே.ஹல்தார் தலைமையில் நேரடியாகவும், காணொலி வாயிலாகவும் நடைபெற்றது.