பாகிஸ்தானின் அணு ஆயுதப் பகுதியைத் தாக்கவில்லை

இந்திய விமானப் படை

- 

புது தில்லி, மே 12: 'பாகிஸ்தானில் அணு ஆயுதங்களை சேமித்து வைத்துள்ளதாகக் கருதப்படும் 'கிரானா ஹில்ஸ்' பகுதி மீது இந்தியா தாக்குதல் நடத்தவில்லை. இதுதொடர்பாக சமூக ஊடகங்களில் பரப்பப்படும் தகவல் புரளியே' என்று இந்திய விமானப் படை சார்பில் திங்கள்கிழமை விளக்கமளிக்கப்பட்டது.

இதுகுறித்து தில்லியில் திங்கள்கிழமை செய்தியாளர்களுக்குப் பேட்டியளித்த இந்திய வான் நடவடிக்கைகள்-தலைமை இயக்குநர் ஏ.கே.பார்தி கூறுகையில், 'பாகிஸ்தானுடனான சண்டையின்போது, அந்த நாடு அணு ஆயுதங்களைப் பத்திரப்படுத்தி வைத்துள்ளதாகக் கருதப்படும் 'கிரானா ஹில்ஸ்' பகுதி மீது இந்தியா தாக்குதல் நடத்தியதாகவும், அதன் காரணமாகவே பாகிஸ்தானில் நிலநடுக்கம் போன்ற உணர்வு ஏற்பட்டதாகவும் சமூக ஊடகங்களில் தகவல்கள் பரப்பப்படுகின்றன. சமூக ஊடகங்களில் பரப்பப்படும் இத் தகவல் புரளியாகும். கிரானா ஹில்ஸ் பகுதி மீது இந்தியா தாக்குதல் நடத்தவில்லை' என்றார்.