வக்ஃப் வாரியம் சட்டத்துக்கு உட்பட்டு செயல்படுவது உறுதி செய்யப்படும்

வக்ஃப் வாரியங்களை கட்டுப்படுத்த வேண்டும் என்பது மத்திய அரசின் நோக்கமல்ல. அவை சட்டத்துக்கு உட்பட்டு செயல்படுவதை உறுதி செய்வதே அரசின் நோக்கம் என்று பாஜக தேசிய தலைவர் ஜெ.பி.நட்டா தெரிவித்தார்.

- 

புது தில்லி, ஏப். 6:

பாஜக 46-ஆவது ஆண்டு நிறுவன தினத்தை முன்னிட்டு புது தில்லியில் உள்ள பாஜக தலைமையகத்தில் ஞாயிற்றுக்கிழமை சிறப்பு நிகழ்ச்சிகள் நடைபெற்றன. இதில் பங்கேற்ற ஜெ.பி. நட்டா பேசியதாவது:

துருக்கி உள்ளிட்ட பல இஸ்லாமிய நாடுகளில் வக்ஃப் சொத்துக்களை அரசே தனது கட்டுப்பாட்டில் எடுத்துக் கொண்டு விட்டது. இங்கு வக்ஃப் சொத்துக்களை யார் கையாளுகிறார்கள் என்பதை மட்டுமே அரசு கேட்கிறது. அதனை நிர்வகிப்பவர்கள் சட்டத்துக்கு உட்பட்டு செயல்பட வேண்டும் என்பதை அரசு உறுதி செய்கிறது.