காஷ்மீரில் பயங்கரவாதிகளுக்கு எதிராகத் தொடரும் தேடுதல் வேட்டை

ஜம்மு-காஷ்மீரின் கதுவா மாவட்டத்தில் மேலும் பல இடங்களில் பயங்கரவாதிகளுக்கு எதிரான தேடுதல் வேட்டையை பாதுகாப்புப் படையினர் சனிக்கிழமை விரிவுபடுத்தினர்.

- 

ஜம்மு, மார்ச் 29:

கடந்த வியாழக்கிழமை ஜம்மு-காஷ்மீரின் கதுவா மாவட்டத்தில் உள்ள தொலைதூர காட்டுப் பகுதியில் பயங்கரவாதிகளுக்கும், பாதுகாப்புப் படையினருக்கும் இடையே மோதல் தொடங்கியது.

இருதரப்புக்கும் இடையே கடுமையான துப்பாக்கிச்சூடு நடைபெற்றதில் 3 பயங்கரவாதிகள், 4 காவலர்கள் கொல்லப்பட்டதாக தகவல் வெளியானது. எனினும் 2 பயங்கரவாதிகளே உயிரிழந்ததாக காவல் துறை டிஜிபி நளின் பிரபாத் தெளிவுபடுத்தினார்.