சென்னையை வீழ்த்தியது பெங்களூரு

ஐபிஎல் போட்டி யின் 8-ஆவது ஆட்டத்தில் ராயல் சேலஞ்சர்ஸ் பெங்களூரு 50 ரன்கள் வித்தியாசத்தில் சென்னை சூப்பர் கிங்ஸை வெள்ளிக்கிழமை வென்றது.

- 

சென்னை, மார்ச் 28:

முதலில் பெங்களூரு 20 ஓவர்களில் 7 விக்கெட்டுகள் இழப்புக்கு 196 ரன்கள் சேர்க்க, சென்னை 20 ஓவர்களில் 8 விக்கெட்டுகள் இழப்புக்கு 146 ரன்களே எடுத்தது.

ஐபிஎல் வரலாற்றில் கடந்த 17 ஆண்டுகளாக சென்னை அணி யிடம் அதன் சொந்த மண்ணில் தொடர் தோல்விகளை சந்தித்து வந்த பெங்களூரு, தற்போது அதிலிருந்து மீண்டு முதல் வெற்றியைப் பதிவு செய்துள்ளது. இதற்கு முன் பெங்களூரு அணி ஐபிஎல் போட்டி யின் தொடக்க சீசனில் ஒரு ஆட்டத்தில் மட்டுமே சென்னையை அதன் சொந்த மண்ணில் வென்றிருந்தது. இடையே 8 ஆட்டங்களில் தொடர்ந்து தோற்ற நிலையில், தற்போது மீண்டும் வென்று வரலாற்றை திருத்தி எழுதியது.