கூட்டணிக் கணக்கில் அதிமுக ஏமாறாமல் இருந்தால் வாழ்த்துகள்: முதல்வர்

'கூட்டணிக் கணக்கில் அதிமுக ஏமாறாமல் இருந்தால் வாழ்த்துகள்' என்று அந்தக் கட்சியின் உறுப்பினர் தங்கமணியிடம் முதல்வர் மு.க.ஸ்டாலின் கூறினார்.

- 

சென்னை, மார்ச் 21:

சட்டப்பேரவையில் நிதிநிலை அறிக்கை மீதான விவாதத்துக்கு வெள்ளிக்கிழமை பதில் அளித்து நிதியமைச்சர் தங்கம் தென்னரசு கூறியதாவது:

நிதி ஒதுக்கீடு குறித்து மனக்கணக்கு என்று சொன்னேன். அதில் சற்று கவனக்குறைவுடன் மனக்கணக்குபோட்டுவிட்ட அதிமுக உறுப்பினர் தங்கமணிக்கு என் அன்பான வேண்டுகோள்.

எம்ஜிஆர் திமுகவில் இருந்த போதும், பிறகு கட்சியிலிருந்து வெளியேறி, தனி கட்சியை கண்ட போதும், அவர் மீது பெரும் மதிப்பு கொண்டிருந்தவர்கள் நாங்கள்.

முதல்வர் (மு.க.ஸ்டாலின்) மீது எம்ஜிஆர் மிகுந்த அன்பைக் கொண்டிருந்தவர். அவரின் படங்கள் குறித்து முதல்வரிடம் கருத்துகளைக் கேட்டிருக்கிறார். எங்களுடன் அரசியல் களத்தில் நீங்கள் (அதிமுக) நீண்ட காலம் களமாடி வருகிறீர்கள்.