தருமபுரி, கிருஷ்ணகிரியில் மகளிர் சுய உதவி குழுக்களுக்கு கடனுதவி

தருமபுரி அருகே பைசுஅள்ளியில் சனிக்கிழமை நடைபெற்ற விழாவில் 649 சுய உதவிக்குழுக்களுக்கு ரூ. 80.82 கோடி கடனுதவிகள் வழங்கப்பட்டன.

- 

தருமபுரி/கிருஷ்ணகிரி, மார்ச் 8:

தமிழக முதல்வர் மு.க.ஸ்டாலின் சென்னை நேரு உள்விளையாட்டு அரங்கில் நடைபெற்ற உலக மகளிர் தின விழா நிகழ்ச்சியில் மகளிர் சுய உதவிக்குழுக்களுக்கு வங்கிக் கடன், அரசு நலத்திட்ட உதவிகளை காணொலியில் வழங்கினார்.

இதைத் தொடர்ந்து தருமபுரி அருகே நடைபெற்ற விழாவில் மாவட்ட ஆட்சியர் ரெ.சதீஷ் தலைமை வகித்து, 649 மகளிர் சுய உதவிக்குழுக்களைச் சேர்ந்த 9,123 பயனாளிகளுக்கு ரூ. 80.82 கோடி மதிப்பிலான கடன் உதவிகளை வழங்கிப் பேசினார்.

இதில் தருமபுரி மக்களவைத் தொகுதி உறுப்பினர் ஆ.மணி, சட்டப்பேரவை உறுப்பினர்கள் ஜி.கே.மணி (பென்னாகரம்), எஸ்.பி.வெங்கடேஸ்வரன் (தருமபுரி) ஆகியோர் முன்னிலை வகித்தனர்.