அமெலியா, ஹெய்லியால் மும்பை அபார வெற்றி

யுபி 150/9, மும்பை 153/4

- 

லக்னௌ, மார்ச் 6: மகளிர் ஐபிஎல் (டபிள்யுபிஎல்) தொடரின் ஒரு பகுதியாக நடைபெற்ற ஆட்டத்தில் யுபி வாரியர்ஸ் அணியை 6 விக்கெட் வித்தியாசத்தில் வென்றது மும்பை இண்டியன்ஸ்.

இரு அணிகளுக்கு இடையிலான ஆட்டம் வியாழக்கிழமை லக்னௌவில் நடைபெற்றது. டாஸ் வென்ற மும்பை இண்டியன்ஸ் பௌலிங்கை தேர்வு செய்தது. யுபி தரப்பில் தொடக்க பேட்டர்களாக ஜார்ஜியா வோல்-கிரேஸ் ஹாரிஸ் களமிறங்கினர். இருவரும் அதிரடியாக ஆட 7.5 ஓவர்களில் ஸ்கோர் விக்கெட் இழப்பின்றி 74 ரன்களை தொட்டது. அப்போது ஒரு கட்டத்தில் யுபி அணியின் ஸ்கோரை 200-ஐ தாண்டும் எனக் கருதப்பட்டது. ஆனால் கிரேஸ் ஹாரிஸ் 1 சிக்ஸர், 3 பவுண்டரியுடன் 28 ரன்களை விளாசி முதல் விக்கெட்டாக ஹெய்லி பந்தில் அவுட் டானார்.