அதிமுக தவறு செய்கிறது

டாக்டர் கே.கிருஷ்ணசாமி சிறப்பு நேர்காணல்

- நேர்காணல்: க. தங்கராஜா

தென் தமிழகத்தில் தேவேந்திர குல வேளாளர்களை மையப்படுத்தி கடந்த 30 ஆண்டுகளாக அரசியல் களத்தில் இருக்கக் கூடிய முக்கிய அரசியல் கட்சியான புதிய தமிழகம், வெவ்வேறு காலகட்டங்களில் திமுக, அதிமுகவுடன் கூட்டணி அமைத்துப் போட்டியிட்டுள்ளது. கடந்த மக்களவைத் தேர்தலில் அதிமுக கூட்டணியில் இடம்பெற்றிருந்த அக்கட்சி, இந்த முறையும் அதே கூட்டணியில் இடம்பெறும் என்று கருதப்பட்ட நிலையில், யாரும் எதிர்பாராத வகையில் தனித்துக் களம் காணத் தயாராகி வருகிறது. அதற்கான காரணங்களையும், தமிழக தேர்தல் நிலவரம் குறித்தும் விளக்குகிறார் புதிய தமிழகம் கட்சியின் நிறுவனர் தலைவர் டாக்டர் கே. கிருஷ்ணசாமி.

அதிமுக கூட்டணியில் உங்களைச் சேர்த்துக் கொள்ளவில்லை. இந்த நிலையில் உங்களது முடிவு தான் என்ன?

1996 பேரவைத் தேர்தலில் ஓட்டப் பிடாரத்தில் தனித்துப் போட்டி யிட்டு வென்றதில் எங்களது தேர் தல் பயணம் தொடங்கியது. 1998 மக்களவைத் தேர்தலில் தனித்துப் போட்டியிட்டு கணிசமான வாக் குகளைப் பெற்று அரசியல் களத் தில் புறக்கணிக்க முடியாத சக்தி யாக உருவானோம். தென் தமிழ் நாட்டில் இன்றும் வலுவாக இருக்கி றோம். கடந்த பேரவைத் தேர்தலில் 60 இடங்களில் தனித்துப் போட்டி யிட்டோம். இந்தத் தேர்தலிலும் அதேபோல் போட்டியிடுகிறோம்.