சிதம்பரம் கோயில் கல்வெட்டுகளை பிரதியெடுத்து நூலாக வெளியிட கோரிக்கை

சிதம்பரம் நடராஜர் கோயில் கல்வெட்டுகளை முழுமையாகப் பிரதியெடுத்து நூலாக வெளியிடுமாறு தமிழக அரசுக்கு விழுப்புரம் தொகுதி விடுதலை சிறுத்தைகள் கட்சி உறுப்பினர் டி. ரவிக்குமார் கோரிக்கை விடுத்துள்ளார்.

- நமது சிறப்பு நிருபர்

நமது சிறப்பு நிருபர் புது தில்லி, ஜூலை 28:

இந்த விவகாரத்தில் அவர் மக்களவையில் எழுப்பியிருந்த கேள்விகளுக்கு மத்திய கலாசாரத்துறை அமைச்சர் கஜேந்திர சிங் ஷெகாவத் எழுத்துப்பூர்வ பதிலை திங்கள்கிழமை வழங்கியிருந்தார்.

அதில் அவர் கூறியிருப்பதாவது: இந்திய தொல்பொருள் ஆய்வுத் துறையின் கல்வெட்டுப் பிரிவு, சிதம்பரத்தில் உள்ள நடராஜர் கோயிலிலிருந்து 297 கல்வெட்டுகளை பிரதியெடுத்துள்ளது. அவை முதலாம் ராஜேந்திர சோழன் (1036 பொது ஆண்டு) ஆட்சிக்காலத்தைச் சேர்ந்தவை.