குடும்பப் பிரச்னை: இளைஞர் துப்பாக்கியால் சுட்டதில் தாய், மனைவி உள்பட 3 பேர் காயம்

விழுப்புரம் மாவட்டம், விக்கிரவாண்டி அருகே குடும்பப் பிரச்னையில் இளைஞர் தான் மறைத்து வைத்திருந்த துப்பாக்கியால் (ஏர்கன்) சுட்டதில் அவரது தாய், மனைவி உள்ளிட்ட 3 பேர் காயமடைந்து மருத்துவமனையில் சிகிச்சை பெற்று வருகின்றனர்.

- 

விழுப்புரம், ஜூலை 12:

விக்கிரவாண்டி வட்டம், வாக்கூர், பிள்ளையார் கோவில் தெருவைச் சேர்ந்தவர் தென்னரசன் (28). இவருக்கும், திண்டிவனம் வட்டம், தெளி கிராமத்தைச் சேர்ந்த லாவண்யாவுக்கும் (26) கடந்த மாதம் திருமணம் நடைபெற்றது.

வேலைக்குச் செல்லாமல் இருந்த தென்னரசன், தினந்தோறும் மது போதையில் வீட்டுக்கு வருவாராம். இதை மனைவி லாவண்யா கண்டித்து வந்துள்ளார். இதனால், இவர்களிடையே குடும்பப் பிரச்னை இருந்து வந்துள்ளது.