தமிழக சட்டப்பேரவைத் தேர்தலில் பாஜகவுடன் கூட்டணி வைக்கும் கட்சிகள் தோல்வியடையும்

தமிழகத்தில் பாஜகவுடன் கூட்டணி வைக்கும் அனைத்து கட்சிகளும் 2026 சட்டப்பேரவைத் தேர்தலில் தோல்வியைச் சந்திக்கும் என்று இந்திய கம்யூனிஸ்ட் கட்சியின் தேசிய பொதுச் செயலாளர் டி.ராஜா தெரிவித்தார்.

- நமது நிருபர்

நமது நிருபர் புது தில்லி, ஜூலை 4:

இந்திய கம்யூனிஸ்ட் கட்சியின் தேசியக் கவுன்சில் கூட்டம் தில்லியில் ஜூலை 1-3 வரை நடைபெற்றது. எதிர்வரும் செப்டம்பர் 25-ஆம் தேதி சண்டிகரில் நடைபெறவுள்ள கட்சியின் மாநாட்டில் முன்வைக்கப்படும் வரைவுத்தீர்மானங்கள் குறித்து தேசியக் கவுன்சில் விவாதித்தது. ஜூலை 9-ஆம் தேதி மத்திய தொழிற்சங்கங்கள் அழைப்பு விடுத்துள்ள வேலைநிறுத்தத்துக்கு ஆதரவு தெரிவிப்பது என கவுன்சிலில் தீர்மானிக்கப்பட்டது. பிகாரில் வாக்காளர் பட்டியலில் புதிய பெயர்கள் சேர்ப்பது தொடர்பாக நடக்கும் சிறப்புத்திருத்த நடவடிக்கையை திரும்பப் பெறவும் சிபிஐ தேசியக் கவுன்சிலில் வலியுறுத்தப்பட்டது.