அமர்நாத் யாத்திரைக்கு பல அடுக்கு பாதுகாப்பு: காஷ்மீர் ஐ.ஜி.

நிகழாண்டு அமர்நாத் யாத்திரை சுமுகமாக நடைபெறுவதை உறுதி செய்ய பல அடுக்கு பாதுகாப்பு ஏற்பாடுகள் மேற்கொள்ளப்பட்டுள்ளது என்று காஷ்மீர் காவல் துறை ஐ.ஜி. வி.கே.பிர்தி புதன்கிழமை தெரிவித்தார்.

- 

ஸ்ரீநகர், ஜூன் 25:

தெற்கு காஷ்மீரில் இமயமலையில் 3,880 மீட்டர் உயரத்தில் அமைந்துள்ள அமர்நாத் குகைக் கோயிலில் இயற்கையாக உருவாகும் பனி லிங்கத்தை தரிசிக்க பக்தர்கள் ஆண்டுதோறும் யாத்திரை மேற்கொள்வது வழக்கம். அனந்தநாக் மாவட்டத்தில் 48 கி.மீ. தொலைவுள்ள பஹல்காம் வழித்தடம், கந்தர்பால் மாவட்டத்தில் 14 கி.மீ. தொலைவுள்ள பால்டால் வழித்தடம் என இரு வழித்தடங்களில் இந்த யாத்திரை நடைபெறும். பால்டால் வழித்தடம் குறைவான தொலைவு கொண்டது என்ற போதும், செங்குத்தான பாதையாகும்.