ஆன்லைன் சூதாட்ட வழக்கு: தமிழக அரசின் விதிகள் செல்லும்

இணையவழி விளையாட்டுகளுக்கு ஆதார் இணைப்பை கட்டாயமாக்கி, நேரக்கட்டுப்பாடு விதித்து பிறப்பிக்கப்பட்ட தமிழக அரசின் விதிமுறைகள் செல்லும் என சென்னை உயர்நீதிமன்றம் தீர்ப்பளித்துள்ளது.

- 

சென்னை, ஜூன் 3:

தமிழகத்தில் இணையவழி விளையாட்டுக்களை முறைப்படுத்த, கடந்த 2022-ஆம் ஆண்டு தமிழ்நாடு இணையவழி சூதாட்ட தடை மற்றும் இணையவழி விளையாட்டுகள் ஒழுங்குமுறைச் சட்டத்தின் கீழ், இணைய விளையாட்டுகளை விளையாட ஆதார் இணைப்பு கட்டாயமாக்கியும், நள்ளிரவு 12 மணி முதல் அதிகாலை 5 மணி வரை விளையாட்டுக்கு அனுமதிக்க கூடாது எனவும் நேர கட்டுப்பாடு விதித்தும் விதிமுறைகள் அறிவிக்கப்பட்டன.