கார்ல்செனை வீழ்த்தி குகேஷ் அபாரம்

கிளாசிக்கல் கேமில் முதல் முறை

- 

ஸ்டாவெஞ்சர், ஜூன் 2: நார்வே செஸ் போட்டியின் 6-ஆவது சுற்றில், நடப்பு உலக சாம்பியனும், இந்தியருமான டி.குகேஷ், உலகின் நம்பர் 1 வீரரான நார்வேயின் மேக்னஸ் கார்ல்செனை வீழ்த்தினார். கிளாசிக்கல் கேமில் அவர் கார்ல்செனை முதல்முறையாக வென்றுள்ளார்.

இந்தப் போட்டியின் முதல் சுற்றில் கார்ல்செனிடம் தோல்வி கண்ட குகேஷ், அதற்கு தற்போது ரிவர்ஸ் ஆட்டத்தில் பதிலடி கொடுத்திருக்கிறார். சுமார் 4 மணி நேரம் நீடித்த இந்த ஆட்டத்தில் கார்ல்செனின் கையே ஓங்கியிருந்தது. வெற்றியின் விளிம்பிலிருந்த கார்ல்சென், எதிர்பாராத வகையில் ஒரு தவறான நகர்வை மேற்கொண்டார்.