முடிவுக்கு வந்த சகாப்தம்!

வஸ்கர், கபில் தேவ், சச்சின் டெண்டுல்கர், சௌரவ் கங் கூலி, எம்.எஸ். தோனி வரிசையில் இந்திய கிரிக்கெட் ஜாம்பவான்களில் ஒருவராக விளங்கும் விராட் கோலி (36) டெஸ்ட் கிரிக்கெட்டிலிருந்து ஓய்வு பெறுவதாக கடந்த திங்கள்கிழமை (மே 12) அறிவித்தார்.

- 

வஸ்கர், கபில் தேவ், சச்சின் டெண்டுல்கர், சௌரவ் கங் கூலி, எம்.எஸ். தோனி வரிசையில் இந்திய கிரிக்கெட் ஜாம்பவான்களில் ஒருவராக விளங்கும் விராட் கோலி (36) டெஸ்ட் கிரிக்கெட்டிலிருந்து ஓய்வு பெறுவதாக கடந்த திங்கள்கிழமை (மே 12) அறிவித்தார். இந்தியாவின் 'பேகி ப்ளூ' தொப்பியுடன் 14 ஆண்டுகளுக்கு முன்பு டெஸ்ட் ஆட்டத்துக்காக மைதானத்தில் இறங்கிய விராட் கோலி விடைபெறும்போது விடுத்த செய்தி இது-

'14 ஆண்டு கிரிக்கெட் டெஸ்ட் ஆட்டத் தொடர்பிலிருந்து விடைபெறுவது அவ்வளவு எளிதானதல்ல. என்னால் என்ன வெல்லாம் செய்ய முடியுமோ அதையெல்லாம் மைதானத்தில் செய்து காட்டியிருக்கிறேன். எனது எதிர்பார்ப்பைவிட அதிகமாக கிரிக்கெட் எனக்குத் திருப்பித் தந்திருக்கிறது. கிரிக்கெட்டுக்கும், என்னுடன் விளையாடியவர்களுக்கும், அதைப் பார்த்து ரசித்த ரசிகர்களுக்கும் நன்றி சொல்லி நான் டெஸ்ட் ஆட்டத்திலிருந்து விடைபெறுகிறேன்' என்கிற பதிவு அவருடைய ஷாட்டுகளைப் போலவே துல்லியமாகவும், நளினமாகவும் அமைந்தது.

2014-2022 வரையில் இந்தியாவின் வெற்றிகரமான டெஸ்ட் கிரிக்கெட் கேப்டனாக 68 ஆட்டங்களில் 40 ஆட்டங்களை வென்றவர் என்கிற பெருமை விராட் கோலிக்கு உண்டு. இந்தியாவுக்கு வெளியே நடைபெற்ற 36 போட்டிகளில் 16 ஆட்டங்களில் வெற்றி பெற்றிருக்கிறார்.