செயற்கை பவளப்பாறைகள்: ஆந்திரத்துக்கு அனுப்பும் பணி தீவிரம்

கடலூர் துறைமுகத்தில் இருந்து ஆந்திர கடல் பகுதிக்கு கோட்டியா சரக்கு கப்பல்கள் மூலம் செயற்கை பவளப்பாறைகள் அனுப்பும் பணி தீவிரமாக நடைபெற்று வருகிறது.

- 

நெய்வேலி, மே 11:

பவளப்பாறைகள் பல கடல் உயிரினங்களின் வசிப்பிடமாக திகழ்கின்றன. ராமநாதபுரம் மாவட்டம், மன்னார் வளைகுடா மற்றும் பாக் ஜலசந்தி பகுதிகளில் இயற்கையாகவே பவளப்பாறைகள் உள்ளன.

பவளம் என்ற உயிரினம் கால்சியம் திரவத்தை சுரந்து, அது பாறையாக உருவெடுக்கும். இவ்வகை பாறைகள் மீன்களுக்கு மட்டுமல்ல, கடல் வாழ் உயிரினங்களான டால்பின், கடல் குதிரை, கடல் பசு, ஆமை உள்ளிட்ட 500-க்கும் மேற்பட்ட உயிரினங்கள் வாழ்வதற்கு வழி ஏற்படுத்தி வருகிறது.