ஜெர்மனி பிரதமராக ஃப்ரீட்ரிக் மேர்ஸ் தேர்வு

ஜெர்மனியின் புதிய பிரதமராக கன்சர்வேட்டிவ் கூட்டணியின் தலைவர் ஃப்ரீட்ரிக் மேர்ஸ் செவ்வாய்க்கிழமை தேர்ந்தெடுக்கப்பட்டார்.

- 

பெர்லின், மே 6: ஜெர்மனியின் புதிய பிரதமராக கன்சர்வேட்டிவ் கூட்டணியின் தலைவர் ஃப்ரீட்ரிக் மேர்ஸ் செவ்வாய்க்கிழமை தேர்ந்தெடுக்கப்பட்டார்.

நாடாளுமன்றத்தில் இதற்காக முதலில் நடைபெற்ற வாக்கெடுப்பில் வரலாறு காணாத வகையில் தோல்வியடைந்த அவருக்கு, இரண்டாவது வாக்கெடுப்பில் தான் பெரும்பான்மை எம்.பி.க்களின் ஆதரவு கிடைத்தது.

ஜெர்மனியில் கடந்த 2021-ஆம் ஆண்டு முதல் சோஷியல் ஜனநாயகக் கட்சித் தலைவர் ஒலாஃப் ஷோல்ஸின் தலைமையில் கூட்டணி ஆட்சி நடைபெற்று வந்தது. எனினும், கருத்துவேறுபாடுகள் காரணமாக கூட்டணி முறிந்ததால் பெரும்பான்மையை இழந்த ஒலாஃப் ஷோல்ஸ், ஆட்சிக் காலம் நிறைவடைவதற்கு ஏழு மாதங்களுக்கு முன்னதாகவே தேர்தல் அறிவித்தார்.