சாலையில் கழன்று ஓடிய அரசுப் பேருந்தின் சக்கரம்; கிளை மேலாளர் உள்பட 7 பேர் பணியிடை நீக்கம்

ராசிபுரத்திலிருந்து சேலம் நோக்கி திங்கள்கிழமை சென்று கொண்டிருந்த அரசுப் பேருந்தின் முன்பக்க சக்கரம் கழன்று ஓடியது.

- 

ராசிபுரம்/ சேலம் ஏப். 14: எனினும், பயணிகள் அதிர்ஷ்டவசமாக உயிர் தப்பினர். இந்தச் சம்பவத்தில் பேருந்தை முறையாக பரிசோதனை செய்யாத ராசிபுரம் கிளை மேலாளர் உள்பட 7 பேர் பணியிடை நீக்கம் செய்யப்பட்டனர்.

நாமக்கல் மாவட்டம், ராசிபுரம் புதிய பேருந்து நிலையத்திலிருந்து திங்கள்கிழமை (ஏப். 14) காலை 8.20 மணிக்கு அரசுப் பேருந்து புறப்பட்டு சேலம் நோக்கி சென்று கொண்டிருந்தது. பேருந்தை பாலசுந்தரம் என்பவர் ஓட்டிச் சென்றார். பேருந்தில் 20-க்கும் மேற்பட்ட பயணிகள் இருந்தனர்.