ஏற்றுமதி அனுமதி ரத்து: இந்தியாவின் நடவடிக்கையால் பாதிப்பு இல்லை

வங்கதேச வர்த்தக ஆலோசகர்

- 

டாக்கா, ஏப். 10: வங்கதேச பொருள்களை தங்கள் நாட்டு வழியாக ஏற்றுமதி செய்ய அளித்த அனுமதியை இந்தியா ரத்து செய்ததால் எவ்வித பாதிப்பும் ஏற்படாது என்று வங்கதேச இடைக்கால அரசின் வர்த்தகத் துறை ஆலோசகர் ஷேக் பஷீருத்தீன் தெரிவித்தார்.

இப்போது எழுந்துள்ள சூழ்நிலையில் இருந்து வங்கதேசம் சொந்த முயற்சியில் மீண்டு வரும் என்றும் அவர் கூறினார்.

வங்கதேச ஜவுளி, ஆயத்த ஆடைகள் உள்ளிட்ட பல்வேறு பொருள்கள் இந்தியாவுக்கு கொண்டுவரப்பட்டு, இங்கிருந்து கப்பல், விமானம் மூலம் கிழக்கு ஆசிய, ஐரோப்பிய நாடுகளுக்கு ஏற்றுமதி செய்யப்பட்டு வந்தது. கடந்த 2020 ஜூன் மாதம் முதல் வங்கதேசம் இந்தியா வழியாக தனது ஏற்றுமதியை மேற்கொள்ள அனுமதிக்கப்பட்டது.