20 ஆண்டுகளுக்குப் பிறகு இணைந்த உத்தவ், ராஜ் தாக்கரே

ஹிந்தி திணிப்புக்கு எதிரான வெற்றிக் கூட்டத்தில் பங்கேற்பு

- 

மும்பை, ஜூலை 5: மகாராஷ்டிரத்தின் மும்பையில் சனிக்கிழமை நடைபெற்ற ஹிந்தி திணிப்புக்கு எதிரான வெற்றிக் கூட்டத்தில் சிவசேனை (உத்தவ்) தலைவர் உத்தவ் தாக்கரே மற்றும் மகாராஷ்டிர நவநிர்மாண் சேனை தலைவர் ராஜ் தாக்கரே சுமார் 20 ஆண்டுகளுக்குப் பிறகு ஒரே மேடையைப் பகிர்ந்து கொண்டனர்.

மகாராஷ்டிரத்தில் தொடக்கக் கல்வியில் 3-ஆவது மொழியாக ஹிந்தியைக் கட்டாயமாக்கி பாஜக தலைமையிலான மாநில அரசு அரசாணை வெளியிட்டது. மராத்தி அமைப்புகள், அரசியல் கட்சிகளின் கடும் எதிர்ப்பைத் தொடர்ந்து அறிவிப்பு திரும்பப் பெறப்பட்டது. இந்த வெற்றியைக் கொண்டாடும் விதமாக மும்பையில் சனிக்கிழமை நிகழ்ச்சியொன்று ஏற்பாடு செய்யப்பட்டிருந்தது. 20 ஆண்டுகளுக்குப் பிறகு உத்தவ் தாக்கரே, ராஜ் தாக்கரே இந்நிகழ்ச்சியில் ஒரே மேடையில் கலந்து கொண்டனர். தேசிய வாத காங்கிரஸ் (பவார்) எம்.பி. சுப்ரியா சுலே உள்ளிட்ட கூட்டணி கட்சித் தலைவர்களும் இந்நிகழ்ச்சியில் பங்கேற்றனர்.

ஒற்றுமையே பலம்: நிகழ்ச்சியில் உத்தவ் தாக்கரே பேசுகையில், ‘நாங்கள் இனி ஒற்றுமையாக இருப்பதற்கு இப்போது ஒன்றிணைந்துள்ளோம். நாங்கள் ஒன்றுசேர்ந்து வரும் உள்ளாட்சித் தேர்தல் வெற்றி பெறுவோம்.