நீதிபதி பணிக்கு வழக்குரைஞர் பயிற்சி கட்டாயம் உச்சநீதிமன்ற தீர்ப்பை மறு ஆய்வு செய்யக் கோரி மனு

சட்ட மாணவர்கள் படிப்பை முடித்தவுடன் நீதித் துறை பணியாளர் தேர்வில் பங்கேற்க முடியாத வகையில், உச்ச நீதிமன்றம் கடந்த மே 20-ஆம் தேதி பிறப்பித்த தீர்ப்பை மறு ஆய்வு செய்யக் கோரி உச்சநீதிமன்றத்தில் மனு தாக்கல் செய்யப்பட்டுள்ளது.

- 

புது தில்லி, ஜூன் 16:

சட்டப்படிப்பை முடித்து அண்மையில் வழக்குரைஞராக பதிவு செய்த சந்திர சென் யாதவ் என்பவர் சார்பில் இந்த மறு ஆய்வு மனு தாக்கல் செய்யப்பட்டுள்ளது.

அதில், 'நீதித் துறை பணித் தேர்வுக்கு விண்ணப்பிக்கும் அனைத்து தரப்பு மாணவர்களுக்கும் ஒரே மாதிரியாக 3 ஆண்டுகள் வழக்குரைஞர் பயிற்சி கட்டாயம் என்ற உச்சநீதிமன்றத்தின் தீர்ப்பு, தன்னிச்சையான மற்றும் நியாயமற்ற உத்தரவாகும்.

இந்த உத்தரவின் அடிப்படையில் நீதித் துறை பணியாளர் தேர்வு நடைமுறைகளில் தேவையான மாற்றங்களை செய்ய அனைத்து உயர்நீதிமன்றங்களையும், மாநில அரசுகளையும் உச்சநீதிமன்றம் அறிவுறுத்தியது.