9 மாத குட்டியை தாய் யானையுடன் சேர்க்கும் பணியில் வனத் துறையினர் தீவிரம்

மேட்டுப்பாளையம் அருகே சிறுமுகை பகுதியில் தாயைப் பிரிந்த 9 மாத குட்டியை மீட்டு தாய் யானையுடன் சேர்க்கும் பணியில் வனத் துறையினர் ஈடுபட்டு வருகின்றனர்.

- 

மேட்டுப்பாளையம், மே 27:

மேட்டுப்பாளையம் அருகே சிறுமுகை வனச் சரகப் பகுதியில் உள்ள குமரன் சாலை வனப் பகுதியில் ஒரு குட்டி யானை தனியாகச் சுற்றி வருவதையும், தனது தாயைத் தேடி அங்கும் இங்கும் ஓடியபடி இருப்பதையும் அப்பகுதியில் இருந்த மீனவர்கள் திங்கள்கிழமை பார்த்துள்ளனர்.

இது குறித்து சிறுமுகை வனத் துறையினருக்குத் தகவல் தெரிவித்துவிட்டு, குட்டி யானையை குமரன் சாலை வனப் பகுதியில் உள்ள வனத் துறை முகாமுக்கு அழைத்து வந்துள்ளனர்.