ஆணவ குணத்தால் வாலிக்கு தண்டனை!

செம்மொழித் தமிழாய்வு துணைத் தலைவர் சுதா சேஷய்யன்

- 

புதுச்சேரி, மே 10: கம்பராமாயணத்தில், தனது ஆணவக் குணத்தால் வாலி தண்டனைக்கு உள்ளானார் என செம்மொழித் தமிழாய்வு மத்திய நிறுவன துணைத் தலைவர் சுதா சேஷய்யன் கூறினார்.

புதுச்சேரி கம்பன் கழகத்தின் 58-ஆவது ஆண்டு விழாவில் இரண்டாம் நாளான சனிக்கிழமை ‘சுக்ரீவனுடன் வாலி பகை கொண்டது குற்றம்’ எனும் தலைப்பில் வழக்காடு மன்றம் நடைபெற்றது.

பேச்சாளர் கவிதா ஜவஹர் வழக்கைத் தொடுக்க பேச்சாளர் ம.எழிலரசி மறுத்தார்.

வழக்காடு மன்றத்தின் நடுவர் சுதா சேஷய்யனின் தலைமை மற்றும் நிறைவுரை: கம்பராமாயணத்தை பல ஆண்டுகளாக பேசி வந்தாலும், ஒவ்வொரு முறையும் அதில் புதிய தகவல் கிடைத்துக் கொண்டேயிருக்கிறது என்பதே கம்பரின் புதுமைக்குச் சான்று.

ராமாயணத்தில் பல மாற்றங்கள் பலரால் மேற்கொள்ளப்பட்டன.

கர்நாடகத்தில் கே.வி.புட்டப்பா குவெம்பு எழுதிய ராமாயணத்தில் வாலி வதையில் சிறிய மாற்றங்கள் செய்யப்பட்டுள்ளன.

மனித வாழ்வியலில் அனுபவங்களால் கிடைப்பதுதான் மானுட அறிவு ஞானம்.