அமெரிக்க பொருள்களுக்கு மிக அதிக வரி விதிக்கும் இந்தியா

அமெரிக்க பொருள்களுக்கு மிக அதிக வரி விதிக்கும் நாடாக இந்தியா உள்ளது என்று அந்நாட்டு அதிபர் டிரம்ப் மீண்டும் தெரிவித்துள்ளார்.

- 

நியூயார்க்/வாஷிங்டன், மார்ச் 7:

கடந்த செவ்வாய்க்கிழமை அமெரிக்க நாடாளுமன்றக் கூட்டத்தில் அதிபர் டிரம்ப் பேசுகையில், "இந்தியா, சீனா போன்ற எண்ணற்ற நாடுகள் அமெரிக்கா மீது பெருமளவு வரி விதிக்கின்றன. அமெரிக்காவில் இருந்து இறக்குமதி செய்யப்படும் வாகனங்களுக்கு இந்தியா 100 சதவீதத்துக்கும் அதிகமாக வரி விதிக்கிறது.

இதைக் கருத்தில் கொண்டு ஒவ்வொரு நாடும் அமெரிக்க பொருள்களுக்கு என்ன வரி விதிக்கிறதோ, அதே வரியை அந்நாடுகளின் பொருள்கள் மீது அமெரிக்காவும் விதிக்கும். இந்த நடைமுறை ஏப். 2 முதல் அமலுக்கு வர உள்ளது என்றார்.