அதானி நிறுவனத்தில் எல்ஐசி முதலீடு: நாடாளுமன்றத்தில் நிர்மலா சீதாராமன் விளக்கம்

அதானி குழும நிறுவனங்களில் முதலீடு செய்யுமாறு இந்திய ஆயுள் காப்பீட்டு நிறுவனத்துக்கு (எல்ஐசி) நிதியமைச்சகம் எந்த ஆலோசனையையும் வழங்கவில்லை என்று நாடாளுமன்றத்தில் மத்திய நிதியமைச்சர் நிர்மலா சீதாராமன் எழுத்துமூலம் விளக்கமளித்தார்.

- 

நாட்டின் மிகப்பெரிய ஆயுள் காப்பீட்டு நிறுவனமான எல்ஐசி அதானி குழும நிறுவனங்களின் பங்குகளில் ரூ.38,658 கோடியும், அந்த நிறுவனங்களின் கடன் பத்திரங்களில் ரூ.9,625 கோடியும் முதலீடு செய்தது.

ஏற்கெனவே தொழிலதிபர் கௌதம் அதானி பிரதமர் மோடிக்கும், பாஜகவுக்கும் மிகவும் நெருக்கமானவர் என எதிர்க்கட்சிகள் விமர்சித்து வருகின்றன. இந்த சூழ்நிலையில் பொதுத்துறை நிறுவனமான எல்ஐசி அதானி குழுமத்தில் அதிகம் முதலீடு செய்தது சர்ச்சையை ஏற்படுத்தியது.