பாஜக ஆட்சியில் தலித் ஒடுக்குமுறை உச்சம்

மத்திய பாஜக ஆட்சியின்கீழ், நாடு முழுவதும் தலித் சமூகத்தினர் மீதான ஒடுக்குமுறை உச்சத்தில் உள்ளது என்று மக்களவை எதிர்க்கட்சித் தலைவர் ராகுல் காந்தி சாடினார்.

- 

உத்தர பிரதேச மாநிலத்தில் கும்பலால் அடித்துக் கொல்லப்பட்ட தலித் இளைஞரின் குடும்பத்தினரை வெள்ளிக்கிழமை நேரில் சந்தித்துப் பேசிய பின் அவர் இவ்வாறு தெரிவித்தார்.

ஃபதேபூரைச் சேர்ந்த தலித் இளைஞரான ஹரிஓம் வால்மீகி, ரேபரேலியின் உஞ்சாகர் பகுதியில் கடந்த அக்டோபர் 2-ஆம் தேதி நள்ளிரவில் திருடன் என்ற சந்தேகத்தின்பேரில் கிராமத்தினரால் கொடூரமாக அடித்துக் கொல்லப்பட்டார்.

இக்கொலை சம்பவத்தை முன் வைத்து, மாநில பாஜக அரசை எதிர்க்கட்சிகள் கடுமையாக விமர்சித்தன. தலித் சமூகத்தினர் மீதான வன்முறை மற்றும் கும்பல் கொலைகளைத் தடுப்பதில் மாநில அரசு தோல்வியடைந்துவிட்டதாக அக்கட்சிகள் குற்றஞ்சாட்டின.