வாரத்தில் 4 நாள்கள் தொகுதிகளில் தங்கி பணி

வாரத்தில் நான்கு நாள்கள் தொகுதிகளில் தங்கி மக்களுக்குப் பணியாற்ற வேண்டும் என திமுக நாடாளுமன்ற உறுப்பினர்களுக்கு, அக்கட்சியின் தலைவரும், முதல்வருமான மு. க. ஸ்டாலின் உத்தரவிட்டார்.

- 

திமுக நாடாளுமன்ற உறுப்பினர்கள் கூட்டம் கட்சித் தலைவர் மு. க. ஸ்டாலின் தலைமையில், சென்னை அண்ணா அறிவாலயத்தில் செவ்வாய்க்கிழமை நடைபெற்றது. இந்தக் கூட்டத்தில் அவர் பேசியது தொடர்பாக, அக்கட்சித் தலைமை வெளியிட்ட செய்திக் குறிப்பு:

தமிழக அரசு சார்பில் 'உங்களுடன் ஸ்டாலின்', 'நலம் காக்கும் ஸ்டாலின்' போன்ற முகாம்கள் நடைபெற்று வருகின்றன. அவற்றில் கலந்து கொண்டு, மக்களின் தேவைகள் மற்றும் கோரிக்கைகள் குறித்துக் கேட்டறிந்து அவற்றின் மீது உரிய நடவடிக்கை எடுக்க மாவட்ட நிர்வாகத்துடன் சேர்ந்து நாடாளுமன்ற உறுப்பினர்கள் பணியாற்ற வேண்டும்.