அரசு ஊழியர்கள் மக்களுக்கும், அரசுக்கும் பாலமாகச் செயல்பட வேண்டும்

துணை முதல்வர் உதயநிதி ஸ்டாலின்

- 

அரசு ஊழியர்கள் பொதுமக்களுக்கும், அரசுக்கும் பாலமாகச் செயல்பட வேண்டும் என துணை முதல்வர் உதயநிதி ஸ்டாலின் அறிவுறுத்தினார். விருதுநகர் மாவட்ட ஆட்சியரகத்தில் செவ்வாய்க்கிழமை நடைபெற்ற அனைத்துத் துறை அலுவலர்களுடனான ஆய்வுக் கூட்டத்தில் அவர் பேசியதாவது:

அனைத்துத் தரப்பு மக்களின் முன்னேற்றத்துக்காக தமிழக அரசு செயல்படுத்தும் நலத் திட்டங்கள் மூலம் பொருளாதார, சமூக முன்னேற்றம் ஏற்பட்டு வருகிறது. 'உங்களுடன் ஸ்டாலின்' திட்ட முகாம்களில் பெறப்படும் கோரிக்கை மனுக்கள் மீது விரைந்து தீர்வு காண வேண்டும்.