மக்கள் நல்வாழ்வுத் துறையில் 644 பேருக்கு பணி நியமன உத்தரவு

மக்கள் நல்வாழ்வுத் துறையில் 644 பேரை நியமிப்பதற்கான உத்தரவுகளை முதல்வர் மு.க.ஸ்டாலின் வெள்ளிக்கிழமை வழங்கினார்.

- 

சென்னை, ஆக. 22:

மாநிலக் கல்லூரி வளாகத்தில் நடைபெற்ற இதற்கான நிகழ்ச்சி குறித்து தமிழக அரசு சார்பில் வெளியிடப்பட்ட செய்தி:

மருத்துவப் பணியாளர் தேர்வு வாரியம் மூலமாக, மக்கள் நல்வாழ்வுத் துறையின் பல்வேறு பிரிவுகளுக்கு புதிதாக பணியாளர்கள் தேர்வு செய்யப்பட்டனர்.

குறிப்பாக, பொது சுகாதாரம் மற்றும் நோய்த் தடுப்பு இயக்கத்துக்காக 182 உதவி மருத்துவ அலுவலர்களும், மருத்துவம் மற்றும் ஊரக நலப் பணிகள் இயக்கத்துக்கு 48 பேரும், மருத்துவக் கல்வி மற்றும் ஆராய்ச்சி இயக்கத்துக்கு 325 பேரும், பிற பிரிவுகளுக்கு 89 பேரும் என மொத்தம் 644 பேர் தேர்வு செய்யப்பட்டனர்.