60,000 ரிசர்வ் வீரர்களுக்கு இஸ்ரேல் அழைப்பு

அலட்சியம் செய்யப்பட்ட அமைதி முயற்சி

- 

ஜெருசலேம், ஆக. 20: காஸாவின் முக்கிய நகரான காஸா சிட்டியை ஆக்கிரமிக்கும் திட்டத்துக்கு இஸ்ரேல் பாதுகாப்புத் துறை அமைச்சர் இஸ்ரேல் காட்ஸ் ஒப்புதல் அளித்ததைத் தொடர்ந்து, அந்த நடவடிக்கையை மேற்கொள்வதற்காக 60,000 ரிசர்வ் வீரர்களுக்கு (ராணுவ பயிற்சி பெற்று சாதாரண பணிகளில் உள்ளவர்கள்) ராணுவம் அழைப்பு விடுத்துள்ளது.

இது குறித்து ராணுவ அதிகாரிகள் புதன்கிழமை கூறியதாவது:

காஸா சிட்டியில் தரைவழித் தாக்குதல் நடத்துவது மற்றும் அந்த நகரைக் கைப்பற்றுவது ஆகிய திட்டங்களை நிறைவேற்றுவதற்கு முன்னதாக, 60,000 ரிசர்வ் படையினருக்கு அழைப்பு விடுக்கப்பட்டுள்ளது.