சி.பி.ராதாகிருஷ்ணனுக்கு தலைவர்கள் வாழ்த்து

நாட்டின் குடியரசு துணைத் தலைவர் வேட்பாளராக தேசிய ஜனநாயக கூட்டணி சார்பில் மகாராஷ்டிர மாநில ஆளுநர் சி.பி.ராதாகிருஷ்ணன் தேர்வு செய்யப்பட்டுள்ளதற்கு பல்வேறு அரசியல் கட்சி தலைவர்கள் வாழ்த்து தெரிவித்துள்ளனர்.

- 

சென்னை, ஆக. 17:

எடப்பாடி பழனிசாமி (அதிமுக): தேசிய ஜனநாயகக் கூட்டணியின் குடியரசு துணைத் தலைவர் வேட்பாளராகத் தேர்ந்தெடுக்கப்பட்டுள்ள மகாராஷ்டிர மாநில ஆளுநர் சி.பி.ராதாகிருஷ்ணனுக்கு இதயங்கனிந்த வாழ்த்துகள். அவரின் பொது சேவைக்கும், மக்கள் மீதான அர்ப்பணிப்புமிக்க சமூக செயற்பாடுகளுக்கும் கிடைத்த மணிமகுடமாகும். தமிழகத்தைச் சேர்ந்த ஒருவரைத் தேர்ந்தெடுத்ததற்காக பிரதமர் நரேந்திர மோடிக்கும், பாஜக தேசிய தலைவர் ஜெ.பி. நட்டாவுக்கும் மனமார்ந்த வாழ்த்துகள்.