பாட நூல்கள் மாற்றம்- மதிப்பீட்டுச் சீர்திருத்தம்- வீடு தோறும் வகுப்பறை

மாநில கல்விக் கொள்கையில் முக்கிய சிறப்பம்சங்கள்

- 

சென்னை, ஆக.8: தமிழக பள்ளிக் கல்விக்கான மாநில கல்விக் கொள்கை 2025-ஐ முதல்வர் மு.க.ஸ்டாலின் சென்னையில் வெள்ளிக்கிழமை வெளியிட்டார். அதில் இடம்பெற்றுள்ள முக்கிய அம்சங்கள் விவரம்:

8-ஆம் வகுப்பு வரை கட்டாய தேர்ச்சி: 1 முதல் 8-ஆம் வகுப்பு வரை கட்டாய தேர்ச்சி முறையை உறுதி செய்ய வேண்டும். இந்த தேர்ச்சி ஆண்டு இறுதித் தேர்வுகளின் அடிப்படையிலில் இல்லாமல், திறன் அடிப்படையிலான மதிப்பீட்டு முறைகளின்படி இருக்க வேண்டும். தமிழகத்தில் பிளஸ் 2, பத்தாம் வகுப்புகளுக்கு மட்டும் பொதுத் தேர்வுகளை தொடர்ந்து நடத்த வேண்டும். மாணவர்களின் நலன் கருதி பிளஸ் 1 வகுப்புக்கான பொதுத் தேர்வு ரத்து செய்யப்படுகிறது.