ரயில்வே வாரியத் தலைவர், தமிழக அரசுக்கு என்எச்ஆர்சி நோட்டீஸ்

பள்ளி வேன் மீது ரயில் மோதி 3 மாணவர்கள் உயிரிழந்த விவகாரம்

- நமது நிருபர்

நமது நிருபர் புது தில்லி, ஜூலை 17: கடலூர் மாவட்டம், செம்மங்குப்பத்தில் ரயில்வே கடவுப்பாதையைக் கடக்க முயன்றபோது தனியார் பள்ளி வேன் மீது ரயில் மோதி 3 மாணவர்கள் உயிரிழந்த விவகாரத்தை தேசிய மனித உரிமைகள் ஆணையம் (என்எச்ஆர்சி) தாமாக முன்வந்து விசாரணைக்கு எடுத்துக்கொண்டுள்ளது.

இது தொடர்பாக ரயில்வே வாரியத் தலைவர், தமிழக அரசின் தலைமைச் செயலர், காவல் துறை தலைமை இயக்குநர் ஆகியோர் பதில் அளிக்க நோட்டீஸ் அனுப்பியுள்ளது.