பாஜக முன்னாள் மகளிரணி நிர்வாகி தலை துண்டித்துக் கொலை

இரண்டாவது கணவர் உள்பட 4 பேர் கைது

- 

பட்டுக்கோட்டை, மே 6: பட்டுக்கோட்டை அருகே பாஜக முன்னாள் பெண் நிர்வாகியை வெட்டிக் கொலை செய்த வழக்கில், இரண்டாவது கணவர் உள்ளிட்ட நான்கு பேரை போலீஸார் செவ்வாய்க்கிழமை கைது செய்தனர்.

தஞ்சாவூர்மாவட்டம், பட்டுக்கோட்டை அருகே உள்ள உதயசூரியபுரம் மீன் சந்தை பகுதியைச் சேர்ந்தவர் பாலன்(45). இவர், உதயசூரியபுரத்தில் டிராவல்ஸ் மற்றும் ஜெராக்ஸ் கடைகளை நடத்தி வருகிறார். கடந்த 2004-ஆம் ஆண்டு மதுரை மேலூரை சேர்ந்த ராஜி என்பவரை பாலன் திருமணம் செய்தார். இவர்களுக்கு கபிலன் (20) என்ற மகனும், ஒரு மகளும் உள்ளனர்.